Mahiwaga

12 November 2008

Ano ang gagawin mo sa huling araw ng buhay mo?

Gagawa ako ng Mahiwaga.

ha?

Mahiwaga.

Maghihiwa ka ng baga?

Hinde, tanga. Mahiwaga.

Anong ibig mo sabihin?

Ano ba sa'yo ang mahiwaga?

Bakit ako na ang tinatanong mo?

Wala naman pinagkaiba iyon, kung ikaw man o ako ang magtanong.

 

Ano ang gagawin mo sa huling araw ng buhay mo?

Magiging mahiwaga.

Ayan ka nanaman e.

Hinde, ayan ka nanaman.

Ikaw ang nagsimula.

Ako nga ba? O Ikaw? May pinagkaiba pa ba?

 

Hoy.

Bakit?

Alam ko na ang ibig mong sabihin.

Hiwaga?

Mahiwaga.

O.

Pagtataka, pagtataka sa lahat, pagtatanong. Pagdanas ng pagkahiwaga sa lahat ng bagay. Sa lahat ng oras, o natitirang oras, ay makita ang mundo at hindi maintindihang kagandahan nito, o kapangitan nito. Pero...

Pero walang pagnanais o pangangailangan ng pag intindi.

Oo.

Iyan ba ang ibig ko sabihin?

Hindi mo alam?

Bakit ako ang tinatanong mo?

 

Ano ba?

Anong ano ba?

Gusto ko gumawa ng Hiwaga.

Mahiwaga.

Oo, kung ano man iyon.

Bakit?

Huling araw na ng buhay ko.

Idiniklera mo o idiniklera sa iyo?

May pinagkaiba ba iyon?

Oo.

Kung ganoon edi idiniklera ko.

Ah, kung ganoon edi gagawa na din ako.

Bakit? Ginagaya mo ako?

Ikaw, ginagaya mo ako?

Sino ka ba?

Hindi ba malaking kahangalan ang tanong mong 'yan?

Ha?

Dapat ka na ngang mamatay.

Ano?

Hindi mo na makilala ang sarili mong mukha.