Nauubos nga Kaya?

11 November 2009

(oo, yan talaga ang title n'yan, hindi yan inagaw sa mga linya sa Katorse kahit na parang magkasing korni)

Paano kaya kung ang pagmamahal e nauubos. Yung tipo bang me stock ng pag-ibig sa puso mo, tapos kapag naubos na e wala na, di mo na kaya magmahal. Kahit anong pilit mo, di na kakagat ulit tulad ng dati.

Naisip ko lang naman kasi hindi ako sanay ng hindi ako inlab, taena komedya. Lagi akong inlab e, kung kanikanino, apaka bilis ko mainlab. May mga resurgence-resurgence pang nalalaman ang puso't damdamin ng bwakanang inang pakshet, tipo bang maiinlab pa ulit sa nainlaban na nya dati kahit hindi na naman sya inlab dun for quite some time. Inisip ko tuloy, sa dami ba ng nainlaban ko (taena, anong salita yan? nainlaban ampotah) e naubos na ba yung stock ko, di na kaya? Napamigay na lahat (kahit di nila lahat alam na nakakatanggap sila), ubos na, sa kabilang bahay na lang kayo mag trick or treat kasi di na kaya mamigay ng kendi ng mokong na to, 1 week old na pandesal na lang ang natitira, bonus na yung palamang ipis.

Inisip ko din, sakali ngang nauubos yung stock ng pag-ibig, parepareho kaya tayo ng dami ng pag-ibig? Baka merong mga sumisirit na sa puso nila yung pag-ibig, dyuskopoandame, tapos meron ding yung perslab nya na kaklasmeyt nyang tinuruan sya magtali ng sintas nung greyd tu lang ang kaya nyang maalayan ng pag-ibig, pagkatapos nun serial killer na s'ya. Halata naman kasing iba-iba tayo ng paraan ng paglustay sa pag-ibig na meron tayong naka stock, haypotetikali. Halimbawa nga ako, para akong bagitong bumberong perstaym humawak ng hose na sobrang lakas ng bugso ng tubig, edi kung sino-sino na nababasa, alang direksyon ampotah. Meron namang parang Kongresman, karamihan ng pork barrel e sa kanya lang. Papatayo lang s'ya isang put brids.

Tsaka, paano kay kinokompyut yun? Ibig ko sabihin, yung mga paraan ng pagpapakita ng pag-ibig may corresponding value ayon sa kung gaano kadaming pag-ibig ang kelangan i-alay. Siguro magastos yung magsimula ng bagong lab, kaya siguro ubos kaagad yung sa akin, bigay lang ako ng bigay e, walang maintenance.

Pero baka naman narereplenish, pede mag reload. Halimbawa nood ka ng mga pelikula ni John Lloyd e me sapat na bala ka na para mainlab ulit. O kaya may pace din ng pagreplenish, tapos depende ulit sa tao, ang jologs pero ang astig atdaseymtaym! Kelangan ko talaga malaman kung paano na rereplenish kung sakasakali, kasi kanina pinipilit kong mainlab ulit ayaw talaga, parang alam kong dapat naiinlab na ako, pero di sumusunod ang puso sa dinidikta ng isipan. Wala na daw kayang ibigay e, yata, di ko pa naman talaga nadidinig magsalita ang puso ko, bingi ako sa mga hiling ng damdamin, nakanatutsa, nakakadiring linya!

Pero syempre, haypotetikal lang nga, malay mo eklat ko lang to tapos di naman pala totoo, wala lang. Mali yung hula ko, tapos maya-maya naiinlab na ulit ako. Baka napapagod lang ang puso pero di nauubusan, naks, kanina pa ako bumabanat ng korning linya, ang korni-korni ko na, Walang wenta pa tong entry na to, halo-halong kagaguhan, kakornihan, kadramahan, malalim na linya, makekesong eklavu, nakakabanas na banat at jumbo blender na writing style pa ang gamit. Korni-korni ko talaga, ang wirdo lang kasi kapag hindi ka inlab.