Into the Blue (Ernest in Blue Eagle Land)

16 December 2007

Okey, sa mga mabilis mag-isip malamang nahulaan nyo na na nag punta ako ng Ateneo sa title pa lang. Bakit kanyo? Kasi gusto ko bilihan ng T-shirt ang kapatid ko na galing ateneo, kasi nung huling berdei nya ay T-shirt galing UP ang bigay ko (kahit taga FEU sya) gusto ko kasi magsimula ng koleksyon ng mga t-shirt ng iba't ibang College pero dahil mahirap maghanap ng kasya sa akin e sya na lang ang binibilhan ko. Kaya umabsent ako sa CWTS ko nitong sabado lang at pumunta ng Katipunan.

Pero hindi naman ako dumiretso sa Ateneo, nag lakbay muna ako sa teritoryo nila, ang Katipunan. Nakakatuwa, puro kapihan ang nakikita ko, bawat ata 20ft may kapihan at umaapaw ito sa mga Atenistang umiinom ng kendi (kapeng puro add-ons, may whipped cream, may gatas ng lahat ng uri ng mammal, may chocolate, at ang mortal sin, MALAMIG!!!). Wala namang nagkakape, wala namang mukhang nagpupuyat para nakahabol sa deadlines, wala namang mukhang isang kahig isang tuka (mukha nga silang walang kahig, tatlong libong tuka eh), lintek, wala kayong karapatan mag KAPE kung kendi ang iniinom nyo, tek, tas sasabihin nila sila ay coffee connosieurs, sinong niloko nyo oy!

Eniwey, as ay wes seying, ay meyd lakad na in da road which was soooooo mahirap bikos may drayber was nat hir kase devah? Nakasalubong ko pa nga si TANGCO!!! Kasama ang mga anak nya, kamukha talaga nya si Ser Jun, bakit ba lahat ng matatandang payatot na matalino magkakamukha? Tas nung napagod na talaga ako e tumanga ako sa isang kainan, hindi naman ako umorder kasi may baon akong 1.5 liter Coke at isang kahang yosi. Pero sa buong tambay ko dun e patingin tingin sa akin yung mga babae sa kabilang table, naiinlab yata sa akin (baka naman naubusan na sila ng yosi't manghihingi, buti pa nga sila may ashtray eh) o baka naman iniisip nilang hoholdapin ko sila. Heniwey, pagkatapos ko pagsawaan ang kanilang kakonyohan e tinignan ko yung menu, tangna, 38 pesos ang isang lata ng kok, samantalang 35 pesos lang ang bili ko dun sa 1.5 litro. Pero ninakaw ko na din yung menu at umalis na ako bago ako mahawa sa mga babae (heniwey magaganda naman sila, sitenta porsyento ng nang babaeng nakita ko sa Katipunan ay maganda, nobenta porsyento ng lalake ay mukhang Timang).

Pumasok na ako ng Ateneo at desididong hanapin ang lugar na parang Shopping center nila, wala naman yata pero yun nga talaga ang hinahanap ko sa loob. Surprisingly, madaming green sa Ateneo! Mga halaman, siguro may mga tatlong kotse din akong nakitang medyo green, tas isang blue green (siguro hindi makapag decide kung atenista o lasalista) pero wirdo pa din kase yung mga street sign nila ay kulay blue yung lahat ng dapat ay itim, ang bigat sa mata makakita ng kung hindi green e blue, tangna.

Ayun na nga asa Ateneo ako, tapos lakad lakad, hindi naman ako mukha masyadong dayuhan. gusto ko sana manigarilyo kaso hindi ko alam kung saan pwede, gusto ko sana hulaan sa pamamagitan ng pagtingin kung saan may mga upos ng yosi, kaso langya ala e, ang sipag naman maglinis ng mga tao dito. Kaya lakad na lang ako, hanggang sa makarating ako sa Belarmine feild kung saan may event pala sila at namimigay ng gifts sa disabled children. Eto pala yung parang Sunken nila, kase may tiangge din kaso karamihan ng stall sarado kase sabado (sosyal ang mag tent, sponsored ng Pepsi) dito ako nakakita ng mabibilhan ng T-shirt para sa kapatid ko pero hindi muna ako bumili kasi gusto ko pa makita kung may ibang mabibilhan. Kaya lakad pa ako, hanggang sa maabot ko na ang Ateneo Hayskul, naalala ko tuloy si Batocabs, dito sya nag hayskul e, naalala ko rin tuloy si Ria, wla naalala ko lang sya kase pareho silang econ at nililigawan sya ni Batocabs, sila na kaya? (Ria! kayo na ba? hehehe, biro lang) Dahil nakakaumay ang itsura ng rich kid (no offense kina Jammin at Ging at Ria, hindi na kayo kid eh) kaya bumalik na ako sa Belarmine feild. Napansin kong walang naglalakad dito, sandali pa lang naglalakad ay mag tatraysikel na (naglalakad lang yata hanggang makasakay) syempre madaming de kotse. Ayun, bumili na ako ng T-shirt para sa kapatid ko, XL kulay blue at nakasulat sa harap "ang sarap maging atenista" masarap nga siguro kais anak mayaman ka ULUUUUUL!!!

Ayun, edi natapos din ang misyon ko. Pauwi na ako ng hindi na ako makatiis at tinanong ko ang isang gwardya sa isang bilding kung saan pede manigarilyo kaso hindi ko maintindihan sinabi nya kaya minadali ko na lang makalabas kaagad para makapag yosi sa kalsada. Nagmamadali na talaga ako, nangangati na ako at nababahing eh, allergic talaga ako sa ganire...