Ha'mo na

21 May 2008

Naalala ko lang yung noon,

Parang ang dali lang pala sabihin ng "hayaan mo na", hayaan na lang, hayaan ang panahon na magdesisyon kung papaanurin o didiligan. Hindi ko nga lang alam kung tama bang hayaan na lang, panahon nga ba ang nagdedesisyon o tayo parin pero umaasa lang tayo na mas masabi sa sarili na mas tama na ang desisyon na ito ngayon, o di kaya mas mali naman ang isa.

Lagi ko ring bukang bibig yan, hamo na, aayos din yan. O di kaya naman ay lilipas din yan. Masyado madaming bese ko na nga ginamit kaya magagawa ko nang sabihin na hindi laging aayos at lalong hindi lagi lilipas. Sabi, time heals all wounds, sabi ko naman, time tries... really hard.

Maganda parin namang pamamaraan ang "hamo na", pero siguro hindi solusyon, wala naman itong nireresulba, bukod sa pagpapatagal.

Minsan nagkasugat ako, hinintay kong gumaling, gumaling naman.

Minsan nagkasakit ako, hinintay kong mawala, kailangan pa pala ng gamot.

 

Hamo na, hamo na

Baka naman kelangan na gawan ng paraan? naman o, hirap ng tumatanda, mamimili na sa alin sa dalawa ang nagsasabing matanda na nga ako. Kelangan ko ulit maging sanggol, mabilis.

 

hanggang ngayon, tuwing pumipikit ako sa gabi, humihiling ako na pag-gising ko ay bata nanaman ako at panaginip lang itong lahat, tsaka ko sasabihing... "hamo na"